舔手指的溫馨時光

每日我最enjoy o既時刻, 莫過於係餵寶寶食朦豬o既時候~ 舔呀舔呀舔... 刮呀刮呀刮... 來福仔仔是多麼的溫柔啊!!

來福仔仔又肥返D啦, 真係好怕冇耐又要再抽!! 希望過幾日唔好話影響到Tiger o既判斷啦...

健健康康平平安安

18號係來福仔仔o既生日!! 祝寶寶健康平安強壯長壽開心幸福快樂永遠!!

睇下來福仔仔個body fit返幾多, 唔洗驚對身體對腳仔o既負荷!! Gerry幫寶寶抽左好多血水出黎, 話相對有成幾支細針筒o既份量... 抽驗前診所磅重154-155g, 抽驗後屋企磅重110g(買左電子磅)...

顯微鏡下, 不幸地來福仔仔有個問題細胞, 唔係紅血球唔係白血球... 亦不幸地位置係肚正中間, 可能係比較入啦, Gerry話手術幾高風險...

如果唔理住可能第時都會再積水, 但仔宜家食得玩得係唔係值得搏? 一係過幾日睇埋Tiger, 問下佢有咩意見, 睇下有乜野可以做到啦...

滑板熊啤左擁右抱

起跳吧!! 媽媽最愛錫o既滑板仔來福!! XD

仲有隻3D PUZZLE熊(改左個名叫Pierre), 終於都砌好左啦, 好有成功感, 的起心肝趕工砌, 就係怕應承過呀仔影合照, 如果做唔到就後悔莫及了...

另外今日打左去問, Gerry話倉鼠好細隻照唔到超聲波呀... 可以照X-RAY, 跟住就抽驗, 不過X-RAY只係會見到影, 睇唔到個質地... 18號俾佢摸下有冇咩唔同, 我會問佢可唔可以麻醉1次一次過搞掂埋手術(如果有需要)... 頭先亦有打去大圍問倉鼠有冇得照超聲波, 個護士意思係話有, 不過好似唔係好肯定咁!

剛剛同來福仔仔磅重, 應該又重左啦... 暫時黎講, 大家覺得點好?

1) 18號俾Gerry抽驗, 有需要的話做手術. (如果要分開做, 麻醉2次, 我就好擔心)
2) 18號照俾Gerry再摸下, 因為佢知道有冇咩唔同左, 但之後照睇埋Tiger先.

超級擔心又徬徨!!

唉... 我地大家快D一齊黎祝福來福仔仔健健康康平平安安啦!!

來福仔仔個肚向橫發展, 體重重左好多, 今日睇Gerry磅144g, 真係好驚, 不過好彩來福仔仔仍然好為食, 又會扭抱出黎玩!!

Gerry話好似摸到D野, 但唔照超聲波唔可以肯定實際情況點, D儀器可唔可以同倉鼠照超聲波亦要問返有關方面o既同事, 我問佢會唔會係gas佢就話唔係, 宜家暫時等到18號再去覆診...

煩惱!! 照唔照到超聲波未知, 如果抽野化驗同做手術都要麻醉, 咁豈不是要麻醉2次? 1次都驚啦!! 問埋Tiger的話就要到23號.

18號係來福仔仔o既生日呀~ 希望可以開開心心大步檻過啦!! 媽媽好愛你來福仔仔, 會陪伴住你, 你千祈千祈唔好有事呀!!

我愛香滑大豆粉

今日同來福仔磅重有成135g, 覺得條腰有D太肥胖...

雖然冬天肥D都好o既, 有多D能量可以燃燒丫嘛~

不過睇黎都係要去睇一睇醫生, 希望仔一切安好啦!

影片我好鍾意2:51開始舔腳掌個度, 好好味~

玩完''滾沙''開埋餐之後, 寶寶就繼續訓到成隻豬仔咁!

為食仔仔笑瞇瞇!!

蘋果好味D定南瓜好味D呢?

糊仔寶寶條腰真係粗左唔少~

蜜蜂與花好溫暖

前日買左塊抓毛布俾仔, 原本個張BB抱被就用黎蓋膠箱頂, 不過依兩日又暖返好多啦!!