2009-12-26

閃閃發亮的星星

貪得意玩下依D效果, 整左個星形出黎~

我係對住支房燈試, ISO 80, 快門2秒, 光圈8.0, 仲較埋白平衡橙D

2009-12-24

來福的21cm大轉轉


5日前係日本訂返黎個WILD 21cm轉轉今日送到黎啦~

唔知來福仔鍾唔鍾意呢, 應該跑得舒服過17cm啦, 個架都好穩陣

跟住係早2日影o既, 依張仔仔成個女仔咁婀娜多姿, 但係蛋蛋已經出賣左佢

2009-12-21

小來福的新玩具!


來福: 我個新玩具終於黎左香港了~

來福: 係邊呢係邊呢? 媽媽都唔話俾人知o架...

來福: 係度... 好, 一於踩扁你!

來福: 搞下破壞先...

來福: 嗯...

來福: 從邊度入手好呢?

同場加映: 地球好危險呀...

2009-12-08

來福與媽媽的趣事

尋晚我餵完來福仔食朦朦, 咁就抱抱佢啦  抱左一陣仔仔就周圍走, 果時我冇為意, 繼續抱起佢錫錫, 突然佢咪起雙眼, 仲要好似微微笑咁, 一副好enjoy o既傻樣, 大家估下福仔佢做咩咁開心呢? 個時我見來福咁可愛o既樣子就梗係錫多幾啖啦, 點知原來仔仔佢... 痾尿!


今次我真係失策, 醒唔起仔仔們玩玩下好心急周圍走通常都係想返屋企痾尿  不過呀BB仔佢整個咁o既傻樣真係好抵錫, 又分散到我o既注意力喎, 一舉兩得啦~

講開又講, 來福仔痾尿o既姿勢好過癮, 我成日都鍾意望住佢痾尿望到實一實  事關仔仔痾尿o既時候係雙腳離地, 向後上方向''YOUNG''住個大膠箱, 吉起個屁股仔黎痾, 真係好過癮o架!
 

2009-12-07

來福仔出街街玩!!


依2個星期來福仔仔都keep住100g啦, 要繼續努力~

來來來, 整幾張大頭俾大家睇下先, 睇下福寶幾靚仔!!

磅重時成日周身旭, 好少可咁靜

見天氣溫暖, 就同妹妹媽一齊帶寶寶落樓下玩一陣~

今次有用條大毛巾鋪住張椅子先, 咁就唔怕張椅污漕啦

嘻嘻, 正一竊笑小來福!!

妹妹媽同來福玩, 仔仔又冇話走黎走去喎, 都幾定

好, 又睇下日常生活照先, 哈哈, 福仔真係好可愛喔~