2010-11-24

吃喝玩樂過日子!!


去公園感受一下輕輕o既自然風, 真係人生一大樂事~ 自從發現來福仔仔出事後, 我地更加珍惜大家一齊相處o既時光... 最希望寶寶可以永遠都健健康康平平安安啦!! =)

尋日帶左來福仔仔去睇Tiger醫生, 基本上佢同Gerry講o既野係差唔多... 都係佢都認為風險大, 尤其係仔宜家食得飲得痾得玩得真係開開心心丫嘛!!

Tiger話摸到仔個肚o既問題大約有2cm... 嘩!! 咁比例上都好誇張喎... 又話個位置可以係好多器官都有可能, 真係話唔埋, 加上有D器官又唔切得o既... 係咩物質個D要開刀先知, 但如果開刀發現原來已經擴散左的話亦冇意思!! 不過最主要都係因為Tiger覺得積水咁多個問題真係好serious, 超超超級擔心... 我冇記錯上次Gerry抽有2Xml, Tiger話都有可能係比較末期呀陰功豬!!

我話我已經日日check, 但係都摸唔到有咩問題, 突然之間就話咁大件事... Tiger就安慰我話依個唔係我o既錯, 咩1個月等於4歲, 有時係可以好快!!

感覺Tiger知我初初想俾來福仔仔做手術, 係有心o既人, 所以佢都特別用心, 仲問埋另一個醫生黎摸下俾下意見(都摸得好仔細咁), 問係佢D倉鼠會點做... 佢地都話手術就梗係有興趣做啦, 係佢地o既職責, 亦都係way to make money, 不過就真係要衡量下來福仔仔做依個手術pretty risky, 所以都唔建議做...

Tiger叫我唔好咁難過, 又話佢之前有隻熊仔鼠父母有咁o既類似o既問題... 所以佢都睇得好緊個寶寶, 但到佢留意到有問題時(又係好後生)幾日就去左!! Tiger話來福仔仔好可能都係天生問題, 又話熊仔鼠love to have tumor'''' 我睇資料話鼠女有依D問題o既機會大過鼠仔添, 大家平時都盡量留意下啦!!

跟住我又問Tiger, 咁如果之後積水問題再嚴重時係唔係可以再氣體麻醉抽? 佢話係可以減輕仔o既負擔, 平過Gerry少少添, 宜家有需要可以食消炎止痛藥Metacam, 12月3號覆診.

唉, 我心愛o既來福仔仔真係可憐, 仲係好後生o既傻豬黎咋... 好在一生中最幸福o既地方係遇到我依個好媽媽, 媽媽陪伴住你呀仔!!

2010-11-20

舔手指的溫馨時光


每日我最enjoy o既時刻, 莫過於係餵寶寶食朦豬o既時候~ 舔呀舔呀舔... 刮呀刮呀刮... 來福仔仔是多麼的溫柔啊!!

來福仔仔又肥返D啦, 真係好怕冇耐又要再抽!! 希望過幾日唔好話影響到Tiger o既判斷啦...


2010-11-19

健健康康平平安安


18號係來福仔仔o既生日!! 祝寶寶健康平安強壯長壽開心幸福快樂永遠!!

睇下來福仔仔個body fit返幾多, 唔洗驚對身體對腳仔o既負荷!! Gerry幫寶寶抽左好多血水出黎, 話相對有成幾支細針筒o既份量... 抽驗前診所磅重154-155g, 抽驗後屋企磅重110g(買左電子磅)...

顯微鏡下, 不幸地來福仔仔有個問題細胞, 唔係紅血球唔係白血球... 亦不幸地位置係肚正中間, 可能係比較入啦, Gerry話手術幾高風險...

如果唔理住可能第時都會再積水, 但仔宜家食得玩得係唔係值得搏? 一係過幾日睇埋Tiger, 問下佢有咩意見, 睇下有乜野可以做到啦...

2010-11-17

滑板熊啤左擁右抱


起跳吧!! 媽媽最愛錫o既滑板仔來福!! XD

仲有隻3D PUZZLE熊(改左個名叫Pierre), 終於都砌好左啦, 好有成功感, 的起心肝趕工砌, 就係怕應承過呀仔影合照, 如果做唔到就後悔莫及了...

另外今日打左去問, Gerry話倉鼠好細隻照唔到超聲波呀... 可以照X-RAY, 跟住就抽驗, 不過X-RAY只係會見到影, 睇唔到個質地... 18號俾佢摸下有冇咩唔同, 我會問佢可唔可以麻醉1次一次過搞掂埋手術(如果有需要)... 頭先亦有打去大圍問倉鼠有冇得照超聲波, 個護士意思係話有, 不過好似唔係好肯定咁!

剛剛同來福仔仔磅重, 應該又重左啦... 暫時黎講, 大家覺得點好?

1) 18號俾Gerry抽驗, 有需要的話做手術. (如果要分開做, 麻醉2次, 我就好擔心)
2) 18號照俾Gerry再摸下, 因為佢知道有冇咩唔同左, 但之後照睇埋Tiger先.