跑轉跑轉跑跑轉

來福: 嘻嘻~ 依個轉轉玩法都唔錯咁喎~

睇得出型仔寶寶玩左一陣就已經純熟左!!

倉鼠王的小王國

大家睇下Hamster King來福仔o既王國~

倉鼠王來福仔每天都有綿綿不絕o既食糧!!

日日都好享受咁食呀食~ 漸漸變得肥仔仔~

但係成隻貓仔咁o既佢, 仍然會對美食虎視眈眈!!

心情好就會同人類國民(佢呀媽)say hi~

鍾意又可以玩下塞爆車頭, 生活幾咁寫意!!

又一個新玩具啦!!

呵呵, 我又係日本訂左個玩具返黎俾來福仔啦~ 登登登登... 就係依個WILD木屋, 正唔正呢? 仔仔好似幾鍾意, 宜家都係入面休息梗~ 初初俾佢都咬左好多野, 之後就唔多覺, 希望唔好咁快殘, 如果香港有得買就好啦!!

來福: 媽媽, 我好似夾住左呀, 你俾幾粒燕麥我就可以解開機關!!

仔仔, 媽媽都發現左個好肥美o既小饅頭呀~

來福真的受歡迎!!

由於依排來福o既耳仔有D皮屑, 咁今日就帶仔仔去睇Tiger... 初時仔仔係紙巾堆入面, Tiger一勃開D紙巾寶寶個頭仔伸左出黎, 全場嘩然! 個個都話來福好可愛, 顏色花紋都好特別, 有個助手仲問我有冇俾BB配種, 我話冇呀, 生左出黎咁多隻搞唔掂... 不過我覺得來福o既基因應該都好雜, 好多人都唔能夠確實話我知應該點叫, 普遍係話Silver Grey Dominant Spot Banded, 有D就話係Silver Grey Sepia... 另外仔係Satin, D毛係有少少令令地, 同埋白毛Satin有時睇落係會黃黃地, 米白色咁, 來福D白毛都係似米白色多過白色o架~ 另外cheekflash得一邊就已經夠特別, 我咁耐都未見過有其他熊仔鼠同福一樣又係得一邊, 同埋依個''半Dominant Spot狀態''好過癮, 頭頂條白間幼到成個中間分界咁, 個身又係得個幾點喎, 話佢斑點又唔係, 太少點, 話佢間又唔係, 條間中間有點, 真係亂到丫... 哈哈, 所以如果生BB的話, 好明顯真係好多花式都有機會出現!!

越講越遠, 講返正題先... 其實依2日D皮屑真係唔係好覺眼, 不過唔係冇囉, Tiger初時都話唔見有咩問題o架, 係之後仔細D檢查就會見到有D皮屑, 跟住用膠紙痴落呀B隻耳度, 再去做test, 又熄晒燈用支唔知咩光管黎照下有冇真菌個D, 居然見到隻腳仔有D反光喎, 不過Tiger話應該係仔仔D皮毛黎姐, 但係痴膠紙個個test就話有少少酵母菌! 其實我唔知自己有冇記錯係唔係酵母菌... OMG! 我居然咁都可以唔係好記得'''' Tiger話因為係好輕微, 所以唔建議用藥, 同埋佢話個隻藥係幾貴亦都容易傷肝!! 之後佢就俾左隻叫做Megaderm我, 話係脂肪酸個D... 頭先我上網再查下, 即係類似魚油個D, 咩咩OMEGA3呀咁, 總之就係對皮膚好o既, 1日1滴, 口服, 我問過Tiger有冇副作用o架佢話冇囉~

至於點解會有咁o既情況出現呢, Tiger話可能係天氣潮濕, 要保持環境乾爽, D墊材我已經成日換o架喇, 依排悶熱我日日換添, 我懷疑係間黃色屋仔唔流通, 來福仔好鍾意個間屋o架, 但係宜家咁o既情況就唯有拎起先啦, 冇計... Tiger話有機會自己好返晒, 亦有機會嚴重D, 好難講, 現階段就好輕微, 我自己就覺得可能係好梗都未定, 因為依2日係唔多覺o架, 尤其今日添, 希望來福豬可以快D完全好返晒啦!! 加油呀仔仔!! 媽媽支持你呀!! 另外我仲問左Tiger來福D牙健唔健康, 因為成日覺得仔仔D牙好似都幾長, 點知Tiger話PERFECT喎~

小插曲:
Tiger餵左粒提子乾俾來福, 仔仔興奮到丫, 咬到尾仲好似想咬埋Tiger, 超可愛! 跟住有個助手話想餵多粒提子乾, BB收埋左之後冇耐就急不及待咁食啦...

早2日影o既來福靚仔近照~

喜歡反肚訓的福豬

來福真係由細到大都超鍾意反肚訓~ 就算係初初黎緊張仔都會照樣反肚訓~

來福鼠的來福屎

有1.1cm, 睇埋便形應該好健康丫, 不過D屎好似都有D未消化晒o既纖維?

1日有成65粒咁多, 成績幾好呀, 大家o既熊仔鼠又有幾多屎屎呢?

依張原圖大好多, 可以睇得好仔細, 個D纖維等等係幾核突o既, 白色個粒就係乾乾地o既精液, 都見過好幾次, 依粒係仔玩完JJ冇耐就俾我發現~

肥福之推倒美食牆

有OXBOW糧, 燕麥片, 小麥胚芽, 糙米, 紅米, 蕎麥, 大麥, 黑芝麻, 南瓜子~

企又靚仔坐又靚仔

第2張寶寶個pose好似狗仔做SIT指令咁~

小福子的駕駛技術

仔仔手車好勁o架, 倒轉''搓''都得~

來福: 媽媽, 我要''搓''車, 唔要''搓''兜!!

來福: ''搓''手又幾刺激咁喎, 爬呀爬呀爬...