不經不覺BABY都十幾歲了, 話說早排我去常平探望佢, 仍然好神經質警覺性好高... 不過神奇地BABY第一晚已經俾我摸, 摸下摸下反晒肚, 知舒服呢~ 但係再夜D餵佢食野啦, 過程中佢無啦啦發癲, 咬到我隻手勁痛又流血喎, 幾秒間噬我兩三下, 正一傻仔來放鬆D啦, 成日都咁緊張...
講真我都算接觸過好多狗, BABY真係我見過最聰明o既狗, 例如咩轉圈玩花式任人舞個D我地唔玩o既, 不過我地叫''波波呢'', BABY又會自己走去唔知邊度搵個波返黎, 唔係話同佢玩玩下拋波叫佢接返黎o架喎... BABY真係識聽我地講野咁, 如果講佢壞話的話佢會眼啤啤或者吠你!!
另外影相都係BABY由細到大o既強項, 由細到大一影相我地就會讚佢靚仔帥哥, 所以BABY係好識望鏡頭影相, 基本上係聽到''查''一聲後先會活動, 不過個衰仔係都唔俾我影佢痾屎痾尿囉... 我已經捕左佢好幾次啦~
跟住又係例牌我地臨走個日BABY就會好down, 係之後帶埋佢落街一齊送車佢先笑得超開心, 唔知幾時會再去同佢玩呢~ BABY你要健健康康長長壽壽啊!!
